韋碧克玩完 艾美利1月要撳緊急掣
20181110
東網電視
更多新聞短片
阿仙奴前鋒韋碧克喺歐霸盃重傷，據報極可能會提早收咧，「兵工廠」前鋒除咗奧巴美揚同拿卡錫迪外，就只得番今季未上過陣嘅19歲新人尼基迪亞。英國《太陽報》消息指，原本打算1月按兵不動，為明年夏天「留彈藥」嘅領隊艾美利，將會被逼撳緊急掣冬季買人，目標直指法甲球會里爾前鋒尼華基美，轉會費高達4,400萬鎊！
現年23歲嘅尼華基美喺法國出身，但就代表科特迪瓦國家隊出賽，今季法甲已經入咗8球，據報多蒙特同拜仁慕尼黑都爭住要佢。尼華基美早前公開回應轉會傳聞：「鍾意多蒙特、拜仁定阿仙奴？佢哋都係大球會！我冇聽過呢啲傳聞，但都係開心嘅，至於嚟緊會唔會離隊...我連自己聽日會做乜都未知呀！」
東網體育FB同你追實體壇每個精彩時刻！