普捷天奴發火:哈利卡尼投錯胎!

20181110
東網電視
更多新聞短片
今季未有任何增兵嘅英超勁旅熱刺,目前排喺聯賽第4位成績唔差,不過王牌前鋒哈利卡尼一直備受批評。呢位英格蘭射手周中歐聯梅開二度後,今季踢15場波入10球,領隊普捷天奴就即刻出嚟反擊:「英國人就係咁,一時將你捧到上天,一時就鬧到你垃圾都不如,如果哈利卡尼係意大利人或者西班牙人,佢一定會受到更好嘅保護。」
普捷天奴仲將哈利卡尼同阿根廷名將巴迪斯圖達相提並論:「我熟悉佢哋2個,佢哋都有接近嘅思想、集中力同鬥志,或者哈利卡尼會比巴迪斯圖達更加出色。」
東網體育FB同你追實體壇每個精彩時刻!