【有片】新派路誕生 意大利有救啦！
20181110
東網電視
更多新聞短片
(Getty Images)
意大利國家隊主帥文仙尼公布新一期大軍名單，最特別之處係效力意乙球隊布雷西亞嘅中場當拿利，首次獲得徵召。
雖然當拿利年僅18歲，而且只係踢意乙，但表現天才橫溢，更加有「新派路」之稱，今次上位機會來了。
文仙尼大刀闊斧改革近年積弱嘅意大利，任何人都要試用，今次又搵咗3位新人，除咗當拿利之外，仲有賀芬咸前鋒基科、薩斯索羅中場史提芬奴辛斯，但「契仔」巴洛迪利落選，可見文仙尼真係幫理不幫親。
3位新人之中，以當拿利最受注目，事關佢年紀輕輕，已表現出大將之風，成為布雷西亞中場大腦，踢法同名宿派路非常相似，佢亦係意大利打入今年U19歐國盃決賽嘅功臣。意大利傳媒認為，當拿利將會成為意軍未來核心，車路士已準備簽佢。
意大利將於香港時間11月18日凌晨歐國聯主場對葡萄牙，21日凌晨熱身賽主場對美國。
東網體育FB同你追實體壇每個精彩時刻！
Follow東網體育IG一齊撐本地運動員！