【巴打集氣】賽車有車模 電競要有索模!

20181110
東網電視
更多新聞短片
人係鍾意睇靚嘢嘅動物,靚女嘅吸引力大唔大吖?梗係大啦,有邊個巴打都唔鍾意靚女先?喂阿豬女,你咁快咁大聲話我膚淺做咩啫?幾年前A字頭間服裝店,搵咗班大隻洋腸做宣傳,你都有去畀人抱起影相啦。人嘅嘢好簡單,有型男索女Promote,成件事即刻唔同晒啦。
好似賽車賽事咁吖,車模雖然唔係落場參加比賽,但邊個話佢哋冇用呀,你問心吖,年年睇澳門賽車,係就係有人睇刺激嘅比賽,但都有唔少巴打,淨係睇炒車場面同埋索車模㗎咋,邊個贏冠軍或者冇人知,但當年最索車模,大家或者都仲記得。
依家電競成行成市,成為發展潛力最大嘅運動之一,之前香港喺亞運就攞埋金牌,一班職業電競手仲可以變埋職業搵食,年薪都好勁吓㗎。電競其中一個受歡迎嘅比賽梗係賽車啦,計我話要好好推廣賽車電競,應該加埋車模元素,成個比賽更加好睇之外,仲可以引嚟更多報道,喂真係有得諗㗎。
香港電競不嬲有水準,聽日就有個「香港電競格蘭披治大賽」,贏咗嘅參賽者,可以得到職業車隊嘅一年有薪合約,真係打機都可以打到做真賽車手呀!喂呢個比賽聽日《東網》有得直播,今次冇得睇車模唔緊要,下年主辦單位堅要諗諗呀。
收看直播,請按東網APP頂部的直播ICON;或按以下直播Link:http://tv.on.cc/live