【東網直播德甲】球愛Live Party送蜜蜂波衫
20181110
東網電視
更多新聞短片
東網直播德甲
收看直播，請按東網APP頂部的直播ICON；或按以下直播Link：http://tv.on.cc/live
打到嚟喇！打到嚟喇！德甲重量級大戰一觸即發，今個星期「球愛Live Party」會同大家一齊睇多蒙特對拜仁慕尼黑呢場！咁好睇嘅戲碼，「球愛Live Party」梗係要齊人啦，繼我同「朗仔」因為家有囍事、一人請一次假之後今個星期終於齊腳喇。
唔止呀！睇大戰梗係最好同啲專家一齊睇啦，我哋今次又請到嘉賓，就係拜仁慕尼黑香港官方球迷會副會長Adolf Chan呀！係呀，你冇記錯！Adolf上過嚟一次㗎喇，肯定係上過嚟一次太好玩返尋味，哈哈！唔好話我哋偏幫一隊住，本身「球愛Live Party」都想請埋多蒙特球迷會㗎，但係佢哋唔得閒，所以先得一邊球迷，多蒙特球迷會我哋等你喔！
另外為咗迎接呢場重量級對決，新嚟新豬肉嘅「蘇雞」同奧斯卡，仲放下「偶包」臨時組成「東網農夫」製作「德甲有嘻哈」，Rap盡兩隊主力球員，實行叫球迷們「跟返我哋個Beat」一齊捕實呢場大戰！
為咗令大家更投入今晚on.cc東網直播德國波，多蒙特贊助商PUMA就為觀眾，送出今季波衫兩件，只要球迷們喺賽事結束前，喺全新登場嘅《睇體》facebook專頁搵到呢個遊戲post後Share再留言講吓今場波應該點打（當然能夠喺比賽期間不停UPDATE 住講就贏面更大），講到主持Kannas、狼少、Oscar最有反應嘅球迷，就有機會得到波衫一件（得獎名額兩名）！
獎品：PUMA多蒙特球衣一件 （2名）【價值HK$599】
支持本地運動員，一齊去「睇體」！