另類歐聯大戰 光棍節網購波衫鬥平鬥抵
20181110
東網電視
更多新聞短片
(互聯網)
周日就係「雙11」，又稱為「光棍節」，係內地購物嘅大日子，好多優惠都喺呢日出現，歐洲豪門巴塞隆拿、利物浦、阿仙奴同曼城推出優惠，變成另類歐聯大戰，最平阿仙奴上季波衫只售200港元，球迷準備掃貨喇喂！
巴塞官網購物店以美元結算，推出「雙11」優惠券，仲有今季主場球衣8折，上季童裝2折，精品售1至5美元。利物浦同阿仙奴推出相同折扣，滿600港元減60，滿900港元減100，其中紅軍推出衛衣「紅軍」，在網上瘋傳，阿仙奴上季主客場球衣只售200港元，相當抵買。曼城亦推出7折優惠，上季波衫低至3折。
值得留意嘅係，各位選購時要睇清楚優惠時間，分香港時間同英國時間，兩地相差8小時，唔好搞錯。
東網體育FB同你追實體壇每個精彩時刻！
Follow東網體育IG一齊撐本地運動員！