【電競回憶】去機舖睇人打機 都好過癮㗎

2018年11月10日 23:00
東網電視
更多新聞短片

收看直播,請按東網APP頂部的直播ICON;或按以下直播Link:http://tv.on.cc/live 

香港電競水準,一向都係世界級,因為港人由70年代「雅達利」開始接觸電競(以前叫打機),80年代香港機舖成行成市,遇到有人打得叻,圍觀者必定人山人海,你未必係打機叻嗰個,但你應該試過睇人打機,隨時係圍觀者其中一個。

機舖曾經係後生仔嘅聚腳地,除咗自己打,好多時都會睇人打,最多人圍觀嘅係邊類遊戲?唔同年代都不同,80年代有《1943》、《俄羅斯方塊》,只要打得叻就好多人圍觀,尤其係《俄羅斯方塊》,入一蚊開始打,只要你打得叻,係唔會完嘅。

至於數到最多人圍觀嘅game,肯定係第一代《街頭霸王》,個重拳掣要大大力打落去,出波動拳同出昇龍拳係要chok出嚟嘅,記得呢個遊戲最初出現嘅時候,現場逼到黐線,好有打擂台感覺。

數十年來,機舖出現過各類不同嘅格鬥、射擊、賽車、打鼓彈琴跳舞遊戲,近年因為租金上漲機舖陸續消失,但打機精神不滅,依家進化變成電競,有職業選手,仲成為亞運表演項目,香港攞金牌其實係正常,成為職業選手亦相信好有競爭力,因為香港打機界一直卧虎藏龍,神人輩出嘛。

香港電競界周日又有盛事,就係「香港電競格蘭披治大賽」,主要係玩賽車,呢個比賽《東網》有得直播,大家雖然落唔到場,但入去睇直播圍觀,都好過癮㗎。

東網體育FB同你追實體壇每個精彩時刻!
http://bit.ly/2ecTF2A 

Follow東網體育IG一齊撐本地運動員!
http://bit.ly/2EYxoRh