獲球王加持 呢位巴塞新兵有運行
20181111
東網電視
更多新聞短片
(Getty Images)
巴塞隆拿嘅巴西新兵馬爾甘季初加盟後慘被遺忘，頭三個月做咗隱形人，近期終於解凍亮相，而佢亦爭氣，上仗歐聯大戰國際米蘭，佢後備入替兩分鐘就攻破對方大門協助球隊領先，令人開始留意佢。
21歲嘅馬爾甘今季由波爾多來投，轉會費要成4100萬歐元絕對唔平，但佢未能獲得教練團重用，直至最近，球王美斯幫佢講好說話，令巴塞教練團開始注意呢位小將，畀機會佢落場試試。
馬爾甘嘅機會相信陸續有來，首先係獲美斯加持，其次球隊傷病唔少，菲臘比古天奴受傷，加上另一主力奧士文尼迪比利近日報稱患腸胃炎，但又唔請假之下缺席練波，馬爾甘嘅上陣機會將逐漸增加。
東網體育FB同你追實體壇每個精彩時刻！
Follow東網體育IG一齊撐本地運動員！