【送別維猜】主場現彩虹 李城憾和般尼
20181111
東網電視
更多新聞短片
(法新社圖片)
李斯特城於前班主維猜逝世後首次主場比賽，賽前王權球場出現一度彩虹，李城球員雖全場拚搏，但都未能攻破對手大門，以0比0悶和，未能以勝仗慰藉維猜在天之靈。
王權球場立維猜銅像致敬
李斯特城前班主維猜上月底在直升機空難中喪生，有球迷組織自發「1賠5000」紀念行，概念來自李城喺2015-16年球季神奇贏英超嘅爆冷賠率，開波前喺2公里外行路去到球場，有近萬名球迷及萊斯特市市民參加，並唱住「英格蘭冠軍，係你令我哋可以這樣唱」來歌頌維猜，空中更出現一道彩虹，似有雨過天青、重新出發嘅喻意，而受傷嘅李城球員哈利馬古尼、占士麥迪臣亦有份參與紀念行。代替維猜出任李斯特城主席嘅兒子徐盛源，宣布將喺主場王權球場外建立一座維猜銅像，作為一個永久而恰當嘅致敬。
維猜發生空難嘅地點就喺王權球場外，尋晚李城係事發後首次返主場呢個傷心地比賽，賽前徐盛源拎住花圈步入球場，李城嘅職球員及客軍般尼球員都喺中圈圍住，為呢位已故班主及國殤紀念日默哀2分鐘，而維猜入主後幾名前李城主帥如皮雅臣、雲尼亞里、格力沙士比亞都有到場悼念。李城眾將戰意爆燈，一開波即撳住嚟攻，可惜攻足全場都顆粒無收，結果與般尼踢成0比0。
東網體育FB同你追實體壇每個精彩時刻！
支持本地運動員，一齊去「睇體」！