腸胃炎缺操 巴塞迪比利為乜被鬧爆
20181111
東網電視
更多新聞短片
(Getty Images)
巴塞隆拿新星奧士文尼迪比利今夏加盟以來一直都麻煩多多，例如經常練波遲到，又試過後備入場竟然連鞋帶都未綁好，一直畀人話佢唔夠專業。最新一單，係球隊喺周二踢完歐聯，周三全體放假之後，去到周四復操之日，竟然唔見咗佢身影。由於巴塞會方喺呢位法國新星離場失場唔練波後，一直聯絡唔到佢，擔心佢有安全問題，就搵人殺去佢屋企了解，之後先發現，原來迪比利係因為腸胃炎練唔到波，但又唔通知球會，又冇搵隊醫治理，總之係又一次畀到麻煩球會啦！根據西班牙傳媒爆料，話「地上最強」高層已經開始對奧士文尼迪比利失去耐性，嚟緊會更多重用巴西兵艾法美路，睇怕迪比利都幾難有運行。
東網體育FB同你追實體壇每個精彩時刻！
支持本地運動員，一齊去「睇體」！