罪人變英雄 熱刺贏波靠佢兩個呀
20181111
東網電視
更多新聞短片
英超今日凌晨嘅尾場大戰，由水晶宮主場對熱刺，結果熱刺憑阿根廷中堅祖安科夫射入全場唯一入球，以1比0小勝，追到只落後「一哥」曼城兩分。講番今場熱刺贏波功臣，年僅20歲嘅祖安科夫梗係居功至偉。連續兩隊輸咗2個12碼嘅佢，今場都算踢咗爭氣波，賽後主帥普捷天奴大讚佢表現已經有足夠成熟，同時展現出色潛質。
至於另一位功臣，則係今場屢救險球，包括喺補時階段力阻對手入波嘅門將洛里斯。呢位法國國家隊頭號門神今季表現飄忽，但今場反而表現極之穩定。賽後普捷天奴話：「我為佢開心呀！球員唔係機器，表現梗係有高有低。洛里斯係最好嘅，呢點根本毫無疑問。」今場已經係熱刺連續第5場英超客戰贏波，認真巴閉。
東網體育FB同你追實體壇每個精彩時刻！
支持本地運動員，一齊去「睇體」！