【直播中】打機可以變職業賽車手！
20181111
東網電視
更多新聞短片
收看直播，請按東網APP頂部的直播ICON；或按以下直播Link：http://tv.on.cc/live
講香港經典賽車電影，大家梗係第一時間諗起《頭文字D》啦（因為都冇第二套），一直有傳聞話會開續集，不過就得個講字，遲遲都冇開拍消息，搞到啲Fans等到頸都長。但如果有續集，再搵周杰倫做拓海都唔係好掂，事關「姐卵」都就快四張，點做後生仔拓海呀？咁不如搵喺神州大地紅到發紫嘅陳偉霆做主角吖！國內絲打梗係拍晒手啦，但如果畀香港人揀，或者會寧願揀黎學勤囉。
黎學勤個名講出嚟，大家可能唔識，但你見到佢個樣就必定認得佢，咪周時話可以同你格酒店價格嗰個鬍鬚靚仔囉。做開Model嘅「茶花高哥哥」，型男形象入晒屋，殺少女之餘仲殺埋師奶，本地巴絲都好鍾意佢㗎。
咪睇賣廣告嗰陣黎學勤斯斯文文，原來佢係「賽車高手」嚟。「香港電競格蘭披治大賽」聽日進行，總共有45個選手參加，黎學勤勁叻仔以第6名成績殺入準決賽，周日就會落場爭入決賽喇。咪以為打機就以為玩玩吓，呢次冠軍得主，可以得到職業車隊嘅一年有薪合約，做真真正正嘅賽車手，如果「茶花高哥哥」真係贏咗，唔知佢會唔會喺賽車度，同大家講邊間酒店平啲呢？
講番今次「香港電競格蘭披治大賽」，今日下午假東港城上演準決賽。（東網《睇體-電競台》周日下午2時直播）45名由過千參賽者中脫穎而出的「電競車手」，今日會以著名PS4™賽車遊戲《Gran Turismo Sport》(GT Sport) 超真實模擬駕駛進行計時賽，一決高下。
賽制
45名由過千參賽者中脫穎而出的「電競車手」，會以著名PS4TM賽車遊戲《Gran Turismo Sport》（GT Sport）超真實模擬駕駛進行計時賽，一決高下。準決賽會分Ａ、Ｂ、Ｃ三組進行，每組15名「車手」經過4回合（8場賽事）之對賽後，排名最高5位（共15位）可躋身明年1月6日舉行的總決賽，爭奪終極冠軍，及亞洲鳳凰車隊「職業賽車運動員」1年有薪合約。
東網體育FB同你追實體壇每個精彩時刻！