【曼市打吡】小器寸王嬲足阿古路一年半

20181111
東網電視
更多新聞短片
(Getty Images/互聯網)
英超曼市打吡周日深夜爆發,呢場超級大戰,賽前點會少得兩邊職球員嘅口水戰。當中最惹火嘅梗係曼聯領隊莫連奴,佢今晨就將矛頭指向曼城射手阿古路,一方面讚佢射殺了得,但同時間就話呢位阿根廷射手有某方面特性係佢非常唔欣賞,似乎係想暗寸阿古路,話佢踢法愛插水喎!
話說喺舊年4月嘅曼市打吡,曼聯中場費蘭尼因為被指用頭撼阿古路而導致被逐,「寸王」當時賽後就狠批阿古路,話佢反應太誇張。」事隔一年半,莫連奴似乎對阿古路嘅敵意仲未放得低:「我只會喺比賽同佢交手時驚佢,我承認佢有好高質素,淨係睇佢入球數字就知,不過喺佢個人入面,有啲嘢係我好唔欣賞佢囉!」至於當記者問到「有啲嘢」即係乜嘢?「寸王」話係秘密唔肯講。又睇吓阿古路喺「寸王」出口挑釁完,今晚表現有冇受影響先?
東網體育FB同你追實體壇每個精彩時刻! 
支持本地運動員,一齊去「睇體」!