【送別維猜】勝負不是一切！這夜屬於李城
20181111
東網電視
更多新聞短片
徐盛源賽後答謝球迷。(Getty Images)
李斯特城喺英超主場以0:0打和般尼，雖然唔能夠全取3分，不過賽後李城球迷集體舉起「你永遠在我心中」橫額，紀念喺升直機意外不幸離世嘅班主維猜，場面超級感人，就連維猜之子徐盛源繞場答謝球迷嘅時候，都忍唔住淚流滿面。
經過全場努力不斷攻門，李城最後都爭取唔到入球，但主場球迷依然收貨，賽後自發留低悼念班主維猜。徐盛源開始繞場無耐，已經忍唔住淚流滿面，不時要用手抺走淚光，期間有球迷邀請佢自拍合照，佢都願意配合，當有球迷送上泰國國旗，現場觀眾更即時送上掌聲同歡呼，無論賽果如何，這夜屬於李斯特城。
支持本地運動員，一齊去「睇體」！
東網體育FB同你追實體壇每個精彩時刻！