【曼市打吡】最高對最矮！賠率好恥辱呀
20181111
東網電視
更多新聞短片
曼聯同曼城嘅陣容身高差距好大。(互聯網)
曼聯喺英超作客曼城，屬於聯賽中最高對最矮嘅對碰，不過根據足智彩賠率，紅魔簡直被完全睇淡，贏波好分到有8.25倍，相反曼城開W熱到爆廠得1.26倍，睇落好恥辱呀！
英國《太陽報》計過，今季曼聯嘅正選陣容平均身高有6尺1.5吋，費蘭尼、基斯史摩寧同尼曼查馬迪都好高，另一方面，曼城嘅正選陣容平均身高得5尺10.5吋，史達寧、阿古路同大衞施華同樣偏矮。但即使係咁，莊家似乎唔覺得身高代表一切，足智彩曼聯客勝有8.25倍，曼城主勝得1.26倍，簡直係護級球隊對爭標份子嘅格局，希望曼聯踢爭氣波啦！
支持本地運動員，一齊去「睇體」！
東網體育FB同你追實體壇每個精彩時刻！