【曼王之王】傳球44次虐殺！曼城玩到你殘
20181112
東網電視
更多新聞短片
(Getty Images)
英超曼市打吡一如賽前預測，係強弱懸殊之戰，結果曼城贏3比1，曼城1.26倍熱W順利開出，淨勝兩球開上盤亦屬意料中事，球評一致認為今場係「大人同細路比賽」，曼城控球在腳搓到你暈，特別係奠定勝局嘅第3球，曼城傳球44腳先至破門，成為曼市打吡史上最折磨入球，估計對曼聯球員留下心理陰影。
今仗曼城攻門17次5中框，曼聯6次射門1中框，射中嗰球係12碼，唔使食蛋已算好彩，不過談論焦點係86分鐘由根度簡建功嘅第3球，當時曼城領先2比1，呢個時候曼聯好應該傾力狂攻，但場面卻係相反。
曼城呢個攻勢持續超過1分鐘，球員互傳搓馬騮，曼聯球員左撲右撲都搶唔到波，就連犯規攔截嘅機會都冇，傳咗44腳之後，貝拿度施華睇準機會在右路高波送入禁區，根度簡於門前現身，面對無助嘅迪基亞輕輕一腳掃入。
除咗呢個入波，喺補時階段史達寧、利萊辛尼、小將菲爾科頓等又在曼聯後場互傳玩波，有侮辱對手之嫌，真係好慘。
東網體育FB同你追實體壇每個精彩時刻！
Follow東網體育IG一齊撐本地運動員！
支持本地運動員，一齊去「睇體」！