【曼市之王】A山犯眾憎　陣中僅得三朋友

曼聯於英超打吡戰中，作客曼城完全冇得打輸1:3，其中後備落場嘅阿歷斯山齊士，於73分鐘落場後毫無建樹，同隊友之間嘅火花近乎零，而佢多次於進攻左路面對曼城右閘班捷文文迪俱處下風，無論速度、身位都輸晒，昔日嘅「阿仙奴戰神」已經全不復見。另外，佢今仗於後備席時同桑馬達有講有笑嘅鏡頭被球迷捕捉到，當時曼聯輸緊0:1，梗係畀魔粉插上天花板啦。

A山於今年一月轉投曼聯後戰鬥力銳減，除因與領隊莫連奴所用嘅陣式格格不入外，同隊友貌合神離亦顯而易見。據《泰晤士報》報道，A山於紅魔鬼中只得三個朋友，佢哋分別係迪基亞、桑馬達同盧卡古，同其他隊友唔好話做Friend，甚至連說話都冇講多句，於場內又點會有默契？

A山於曼聯高薪低能，當然令人工少佢一截嘅隊友不滿。於新東家唔開心，早前已傳A山叫經理人同佢搵路轉會。佢希望可以轉投巴黎聖日耳門，但後者前線已有人滿之患，仲會唔會高價向曼聯搶人實屬疑問。

東網體育FB同你追實體壇每個精彩時刻！

http://bit.ly/2ecTF2A