贏波之後 皇馬官宣兩主將受傷

20181113
東網電視
更多新聞短片
(互聯網)
皇家馬德里有官宣,個個都等緊係咪公布蘇拿利坐正做主帥,結果係確認兩名傷兵,分別係巴西中場卡斯米路,同埋西班牙中堅拿祖費南迪斯,雖然官方冇公布抖幾耐,但西媒放風拿祖傷啲,要休息兩個月,卡斯米路就養傷三周。
皇馬上場贏切爾達4比2,拿祖同卡斯米路都被換出,賽後確認兩個都傷晒,官方公布,拿祖傷及右膝內側副韌帶,所以手尾較長,至於卡斯米路只係右足踝拗柴,唔算係大傷,不過就要向巴西申請免役,唔踢得國家隊比賽住。
東網體育FB同你追實體壇每個精彩時刻!
Follow東網體育IG一齊撐本地運動員!
支持本地運動員,一齊去「睇體」!