東亞錦　算係咁！香港隊「窿窿」和北韓

「EAFF E-1東亞足球錦標賽2019第二圈賽事」周二（13日）舉行次天賽事，香港隊全場與北韓互有攻守，兼合共有3次射門中楣的情況下，打成0比0平手。最終出線席位誰屬，留待16日（周五）最後一天兩場賽事後揭盅。

首戰2比1擊敗東道主中華台北的香港隊，主帥韋特以不變應萬變，排出上場一樣的正選陣容去挑戰北韓。在過百名入場支持者高呼「贏北韓!贏北韓!」打氣下，香港隊甫開賽即展示出無比決心，更在7分鐘獲得了先開紀錄的良機，當時丹尼左路傳球入禁區，基奧跳高雖漏頂，卻令北韓後防球員失位，造就麥基拖順一抽，惜僅中網側。

4分鐘後輪到北韓還擊，金有成左路傳中，金勇日遠柱控定狂抽，葉鴻輝飛身撲出底線。28分鐘，又是北韓的攻勢，香港隊後防遲遲未能成功解圍，鄭日冠截得皮球後於12碼點起腳，惟太正被「阿輝」輕鬆接實。38分鐘，稥港隊差點兒得手，徐德帥於左邊「畸角位」拉弓，北韓門將李明國接波「彈琵琶」，皮球中楣出底線。最終雙方以0比0完上半場。

易邊後初段雙方都顯得拘謹，直到57分鐘才再出現具威脅的射門鏡頭，林光赫於禁外主射罰球中楣。1分鐘後，演出非常活躍的姜國哲，左邊「畸角位」狂抽，「阿輝」皮應夠快飛身托出底線。

下半場中段，香港隊先後換入艾力士和李嘉耀，試圖加強攻勢，惟始終未能替港隊帶來入球，完場前3分鐘，如非金勇日禁區頂的勁射中楣，賽事未必可以「和氣收場」。最終賽事以0比0完場，各得1分。