心酸！英格蘭重召朗尼致敬變侮辱
20181114
東網電視
更多新聞短片
英格蘭重召朗尼引起批評聲音。(Getty Images)
英格蘭喺熱身賽對美國，重召朗尼原意係感謝佢多年來為國家隊作出貢獻，點知好心做壞事，事關英國球迷唔多Like，令人感覺致敬變侮辱，月巴喺記者會上嘅回應都幾心酸！
有網民覺得朗尼退出國家隊咁耐，突然重召佢好冇厘頭，講咗好多閒話，不過月巴澄清，其實自己冇任何要求，做後備踢一陣都冇所謂：「我同修夫基講，無論佢想我喺呢場比賽做咩，我都會努力完成，因為好明顯，今次係我最後1次代表國家隊上陣。」
即將第120次代表英格蘭嘅朗尼仲話：「我唔會畀任何壓力修夫基，唔會要求着10號或者做隊長，我唔會有任何要求。我仲同佢講，當你覺得已經喺比賽得到想要嘅嘢，先至換我入場，我冇要求大家去同意，但足總有咁嘅安排的確令我好榮幸。」
支持本地運動員，一齊去「睇體」！
東網體育FB同你追實體壇每個精彩時刻！