噢！基斯史摩寧被曼聯放棄倒數中
20181115
東網電視
更多新聞短片
基斯史摩寧被愛華頓睇中。(Getty Images)
英國《太陽報》大爆，28歲嘅基斯史摩寧被曼聯放棄進入倒數中，據講佢表現唔理想仲扭計加人工，好可能冇得續約，出年夏天以自由身轉投愛華頓搵食。
報道話，基斯史摩寧嫌自己嘅9萬鎊周薪偏低，要求有更好待遇至肯續約，結果激嬲曼聯高層，開會後打算索性放佢走，愛華頓收到風後，已經打算諗計搶人。當然啦！其實費蘭尼、勞基梳爾同安東尼馬迪爾，都曾經傳出會被曼聯清洗，最後都以表現換取到續約機會，或者基斯史摩寧生性啲，最後唔使離開奧脫福嘅。
支持本地運動員，一齊去「睇體」！
東網體育FB同你追實體壇每個精彩時刻！