【告別三獅】官方確認！朗尼要做後備......
20181115
東網電視
更多新聞短片
朗尼預定喺53分鐘入替。(互聯網)
延伸閱讀：
【告別三獅】洋蔥！朗尼自爆想喺曼聯退役
英格蘭喺熱身賽對美國，專登重召朗尼踢國家隊告別賽，不過部分英國人對呢件事幾冷淡，甚至有激進球迷為鬧而鬧，搞到月巴要自己要求低調上陣，而且英格蘭領隊修夫基確認，今場朗尼會做後備。
原本有報道話，朗尼為免觸動網民神經，主動要求唔着10號，同埋求其踢10分鐘算數，不過英國《太陽報》爆料，修夫基決定要月巴着10號，仲會安排佢喺53分鐘後備落場，點解係呢個時間？因為朗尼為英格蘭攻入咗53個入球呀！
修夫基咁話：「朗尼會着10號波衫入替，正選球員唔會有人着10號。我同球員傾過，哈利卡尼都話，安排朗尼着其他號碼唔適合，我哋所有人都尊重朗尼，同意佢喺國家隊告別賽着10號最好，至少，以後佢可以將呢件球衣掛喺屋企道牆。」
延伸閱讀：
【告別三獅】洋蔥！朗尼自爆想喺曼聯退役
支持本地運動員，一齊去「睇體」！
東網體育FB同你追實體壇每個精彩時刻！