【告別三獅】洋蔥！朗尼自爆想喺曼聯退役
20181115
東網電視
更多新聞短片
朗尼離開曼聯後加盟華盛頓聯隊。(Getty Images)
朗尼將會喺英格蘭對美國嘅熱身賽，正式告別國家隊生涯，引起球迷好多集體回憶，當有記者問到，月巴點解選擇離開曼聯，佢承認自己冇辦法唔咁揀，其實好希望喺奧脫福球場退役喎！
月巴咁講：「我當然好掛住曼聯，我喺曼聯度過職業生涯最精彩部分，效力咗好長時間，但我離開前已經冇辦法經常上陣，我同領隊傾過，覺得轉會係正確嘅時機。我的確想喺曼聯結束球員生涯，不過足球世界唔同咗，好多事都改變緊。」
雖然朗尼話佢最後1次為紅魔上陣，曼聯喺歐霸盃決賽擊敗阿積士捧盃，唔係喺奧脫福比賽令佢有啲遺憾，但佢強調，唔會忘記曼聯帶畀佢嘅一切：「我返過奧脫福幾次，聖誕期間我會再返去睇波，探下所有幫過我嘅隊友同職員。」
支持本地運動員，一齊去「睇體」！
東網體育FB同你追實體壇每個精彩時刻！