惡有惡報 拉莫斯受傷退隊

20181116
東網電視
更多新聞短片
(法新社圖片)
西班牙喺周五(16日)凌晨歐國聯2:3不敵克羅地亞之餘,仲有隊長沙治奧拉莫斯受傷,提早退隊,無緣19號凌晨熱身賽對波斯尼亞。
沙治奧拉莫斯今場射入12碼,一度為西班牙扳平2:2,但最終補時都係被克羅地亞絕殺。賽後沙治奧拉莫斯感到大腿肌肉不適,已經提早離隊,返回皇馬治療。
沙治奧拉莫斯上屆歐聯決賽,以「摔角招式」整傷利物浦翼鋒穆罕默德沙拿,成為利迷眼中釘,依家輪到自己受傷,相信利迷應該會拍手叫好。
不過,最傷都係皇馬,因為華拉尼、拿祖費南迪斯、捷西斯華利祖都有傷在身,依家加埋沙治奧拉莫斯,換言之4位中堅都變晒「十字兵」。
支持本地運動員,一齊去「睇體」!
東網體育FB同你追實體壇每個精彩時刻!
Follow東網體育IG一齊撐本地運動員!