迪基亞走硬?曼聯6000萬鎊Plan B曝光

20181118
東網電視
更多新聞短片
曼聯同西班牙門神迪基亞續約斟介一直冇進展,目前合約到季尾就會完結,雖然「紅魔鬼」有權啟動自動續約1年條款,但係如果迪基亞一直唔續約長,曼聯亦會被逼喺明年將佢賣走。照目前情況所見,迪基亞想離隊嘅可能性極高,英國《太陽報》報道,曼聯已經預備好Plan B,就係效力愛華頓嘅英格蘭1號龍門比克福特!
現年24歲嘅比克福特被公認為英格蘭目前最好龍門,無論係愛華頓定國家隊都維持高水平演出,據報莫連奴同所有曼聯教練都同意,比克福特就係迪基亞最佳繼承人,不過好嘢當然唔會平,報道話愛華頓索價將會達到6,000萬鎊,但以「紅魔鬼」嘅才力,應該都唔係大問題嘅。
東網體育FB同你追實體壇每個精彩時刻!
支持本地運動員,一齊去「睇體」!