哥帥死都要簽「新列卡特」係有苦衷
20181118
東網電視
更多新聞短片
(Getty Images)
英國《鏡報》爆料，曼城擊退巴塞隆拿、熱刺，將會簽入阿積士中場、「新列卡特」法蘭基迪莊，轉會費達到6100萬鎊(約6.1億港元)，曼城領隊哥迪奧拿不惜工本都要收購呢位21歲荷蘭國腳，皆因「藍月亮」現時最弱一環就係防中。
曼城進攻人腳鼎盛，防線亦係英超首屈一指，但有級數嘅防守中場只有費蘭甸奴，呢位巴西國腳已經33歲，而且狀態亦有下滑情況，成為「藍月亮」最弱一環，哥迪奧拿非常渴望簽入頂級防中，令球隊更加完美。
法蘭基迪莊技術全面，年紀細細表現已經好成熟，成為阿積士及荷蘭國家隊嘅指揮官，負責由後場開始組織攻勢，佢喺上場歐國聯為荷蘭對世界盃冠軍法國，表現光芒四射，包括策劃第1個入球，之後仲博到12碼，幫助球隊贏2:0，促使曼城迅速出手，一定要將法蘭基迪莊收歸旗下。
支持本地運動員，一齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！