堅到你唔信！瑞士炒起比利時入4強
20181119
東網電視
更多新聞短片
(法新社圖片)
今晨上演嘅歐洲國家聯賽大戰，A2組由瑞士主場對比利時之戰，好睇到你唔信呀！世盃季軍比利時今場開賽唔使17分鐘，就靠杜根夏薩特梅開二度領先2比0。今場非勝不可嘅瑞士，以為翻身無望，點知佢哋由26分鐘一記12碼開始展開反擊，列卡度洛迪古斯主射入網追成1比2接近紀錄。之後瑞士全力開動，其中賓菲加前鋒施費洛域上演帽子戲法，加上尼高艾維迪建功，最後以5比2反勝，成功憑得失球壓過比利時取得小組首名出線，得以躋身出年暑假嘅決賽周。家陣打入4強嘅已經有瑞士、葡萄牙同英格蘭，淨番最後一席會由法國同荷蘭爭奪。
東網體育FB同你追實體壇每個精彩時刻！
支持本地運動員，一齊去「睇體」！