歐聯決賽藥檢失敗 歐洲足協放生拉莫斯

2018年11月24日 16:05
東網電視
更多新聞短片
(互聯網)

歐洲足協包庇拉莫斯,連藥檢失敗都唔追究?之前披露過C朗強姦嘅足球洩密網站Football Leaks又有堅料爆,呢次主角係皇馬隊長沙治奧拉莫斯。2017年歐聯決賽,皇馬擊敗祖雲達斯封王,賽後拉莫斯被捉去藥檢,被驗出對禁藥呈陽性反應。皇馬方面將責任賴落隊醫身上,話後者誤將禁藥打入拉莫斯體內。UEFA認為呢個係人為錯誤,冇追究拉莫斯或皇馬。

Football Leaks表示,UEFA驗出嘅禁藥係地塞米松(Dexamethasone),有消炎作用,但亦能有助提升專注度,同埋保持注射者興奮。拉莫斯表示於決賽前一日,膊頭同膝頭都曾接受注射,皇馬軍醫就話,佢本想注射倍他米松(Celestone Chronodose)而非地塞米松,只係人有錯手搞錯藥物,但其實倍他米松亦屬禁藥。事實上地塞米松係可於比賽前使用,但去到藥檢,隊醫就要向歐洲足協上報,但皇馬方面冇咁樣做。雖然皇馬處理得錯漏百出,但UEFA仍不作追究。皇馬官方、UEFA於報道見街下,已經否認有呢件事發生。

此外Football Leaks表示,拉莫斯今年4月於藥檢時再次違規,呢次係喺西甲鬥馬拉加之後。當時拉莫斯被抽中藥檢,但拉莫斯堅持要先沖涼,賽會方面拒絕,因為咁樣令球員有機會調包尿液。不過拉莫斯理都冇理就走去沖涼,之後先接受藥檢。呢件事發生喺4月,但有關方面到9月先追究,究竟點解要搞咁耐,就只有西甲賽會先知喇。

東網體育FB同你追實體壇每個精彩時刻!
http://bit.ly/2ecTF2A 

支持本地運動員,一齊去「睇體」!
https://bit.ly/2DxX4XI