18歲美少女門將中風 迪基亞窩心送手套
20181127
東網電視
更多新聞短片
（互聯網）
18歲，代表青春、活力同健康，點諗到竟然會中風？英國18歲美少女門將戴域絲，目前效力當地第五級別女子聯賽球隊Kent Football United，日前嚴重中風，即時被送到醫院治療。其好友將其經歷擺上網，希望網民可以捐款畀佢度過難關。原來戴域絲偶像係曼聯鋼龍迪基亞，迪基亞知道後，就送出自己第250場英超把關手套予戴域絲，希望佢可以得到安慰。
戴域絲對足球好有熱誠，細細個就加入查爾頓女子青年隊接受訓練，到16歲離隊，目前依然繼續追尋足球夢。可惜天意弄人，咁後生就中風，需要長期接受治療。其好友Ciara Watling踢緊水晶宮女子隊，於網上呼籲各方慷慨解囊，並Tag咗迪基亞，話畀呢位西班牙門將聽，佢有位年輕球迷不幸患上重病。
迪基亞於網上主動聯絡Ciara：「你好Ciara，我想送自己對250場聯賽紀念手套予戴域絲，希望佢可以開心番啲。」戴域絲之後回應：「非常多謝你，你啟發咗我好多！」戴域絲得到偶像支持，希望佢可以快啲好番，有朝一日可以重返球場。
支持本地運動員，一齊去「睇體」！
東網體育FB同你追實體壇每個精彩時刻！