【有片】超癲！中國拳手一腳KO拳證踢爆面
20181127
東網電視
更多新聞短片
(互聯網)
嘩嘩嘩，超恐怖呀！話說日前一場喺泰國芭提雅舉行嘅泰拳比賽，一名中國拳手苟大奎喺賽事途中，接近擊倒對手嗰陣，拳證突然殺出企圖終止比賽，以保護受傷拳手，點知苟大奎因為收唔切腳，唔小心一腳踢中拳證塊面，場面相當恐怖，事後呢位拳證梗係要送入醫院治理，據知佢面部有骨折骨裂，仲話有隻眼睇唔到嘢添，好陰功呀！
查實今次事件就的確係意外，根本都唔怪得苟大奎，不過當佢踢中拳證之後，場邊醫生都即刻入場為拳證施行急救，唔係講笑，拳證隨時仲傷過打輸嘅拳手添！苟大奎事後解釋，自己唔係故意踢拳證，仲讚拳證去保護拳手行為係非常好，而佢即場都有向拳證下跪道歉，總之意外嚟講，大家都唔想啦！
Follow東網體育IG一齊撐本地運動員！
東網體育FB同你追實體壇每個精彩時刻！