【C朗涉姦】鐵證曝光！C朗「認罪」等坐監
20181201
東網電視
更多新聞短片
葡萄牙C朗拿度涉嫌於2009年，喺美國拉斯維加斯強姦女子Kathryn Mayorga，女事主早前宣布向C朗提出起訴，而該祖雲達斯球星就堅稱自己無辜。不過，德國《明鏡周刊》周六(1號)再爆出驚人消息，指控方已經得到一份秘密文件，內容係C朗當年同洛杉磯刑事律師嘅問答紀錄，而文件顯示C朗當時曾「認罪」，承認女事主喺性交過程中，曾經多次講「唔好」同埋「停」，C朗明顯係違背女方意願，即係強姦！
C朗喺09年同Kathryn Mayorga性交後，曾經喺律師樓達成「保密協議」，並且支付37.5萬美元嘅「掩口費」。C朗喺09年8月3日，更曾經為一份多達41頁嘅調查問卷「作供」，呢份文件亦係呢單案嘅關鍵。
消息指目前控辯雙方所用嘅資料，係09年12月24日由C朗代表律師發布嘅「修飾版」，不過《明鏡周刊》日前就宣稱，佢哋已得到09年8月簽定嘅「原始版」，2個版本入面C朗嘅證供係完全相反！C朗喺「原始版」證供入面承認：「佢(Kathryn)多次講『唔好』同埋『停』」，又指Kathryn曾講過「唔得，唔可以(性交)，我唔似其他人。」
延伸閱讀：【關鍵證供全面睇！C朗真面目】
上面提及嘅關鍵證供，喺「修飾版」文件入面全部消失，好明顯係有「偽造證據」嫌疑。消息人士指出，如果女事主真係作出反抗兼且講過拒絕性交嘅說話，代表C朗早前話雙方「你情我願」嘅講並非事實，若果法庭接納咗呢份最新文件，C朗被判強姦罪成嘅機會將會大大增加。
東網體育FB同你追實體壇每個精彩時刻！
支持本地運動員，一齊去「睇體」！