歐聯功勳無故被貶 皇馬鋼門心淡嗌走

20181207
東網電視
更多新聞短片
(Getty Images)
今季皇馬戰績下滑,士氣同隊內氣氛都唔好,西班牙傳媒報道,有位歐聯三冠功勳球員喊走,佢就係哥斯達黎加鋼門基羅拿華斯。
31歲嘅基羅拿華斯協助皇馬連奪3屆歐聯,身手得到認同,不過自從今季簽入比利時門將泰拔高圖爾斯後,基羅拿華斯無故被貶為後備,而唔係良性競爭,之前洛佩特吉執教時都仲有機會出場,最近由蘇拿利接手後,情況轉壞,基羅拿華斯徹底失去上陣機會,泰拔高圖爾斯狂失波都有正選,佢就打入冷宮,難怪佢心淡想走。
基羅拿華斯已經同皇馬高層攤牌,要求明年1月自由轉會,因為佢認為自己仲可以比賽,唔想坐冷板坐到硬,不過皇馬就拒絕放人,希望佢留隊安心做後備。
支持本地運動員,一齊去「睇體」!
東網體育FB同你追實體壇每個精彩時刻!
Follow東網體育IG一齊撐本地運動員!