比利金口一開 今勻美斯有運行喇!

20181207
東網電視
更多新聞短片
(互聯網)
近年身體抱恙,做過3次大手術嘅巴西球王比利,最近身體回復健康,仲好精靈接受巴西傳媒訪問,話題講到阿根廷兩代球王馬納當拿同美斯,邊個勁啲,佢嘅答案係馬納當拿!
雖然有傳聞比利同馬納當拿曾經鬧不和,但今次佢好公道咁話:「馬納當拿係史上最佳球員,如果有人問佢勁過美斯?係呀,佢勁過美斯好多。」比利仲話同馬納當拿嘅不和傳聞只係一啲誤會,依家佢哋關係都好好。
比利仲話,美斯只識用左腳,只得一種技術,又冇頭槌,局限咗發展。不過大家都知,比利出名係烏鴉口,如果佢讚美斯反而唔係好事,彈佢唔及馬納當拿咁好波,話唔定美斯有運行喎!
至於比利現時嘅身體情況,佢就話已經好番晒:「我唔再痛喇,你睇我雙腿幾靚?」