【有片】南韓隊穿牆 講波講到流晒鼻血!

20181207
東網電視
更多新聞短片
(互聯網)
《唐伯虎點秋香》入面,七省文狀元兼參謀將軍、人稱「對王之王」的對穿牆,輸畀唐伯虎後當場吐血不止,好多影迷一世都記得。估唔到南韓體育台《SPOTV》6日早上直播NBA時,其中一位主播趙玄日對住鏡頭講波流晒鼻血,SPOTV之後張條片擺上網,喺Facebook就超過15萬人睇過。
「NBA今天很精彩,與此同時.....」只見講波講到一半,其中一位主播突然左邊鼻窿流血,接住連右邊鼻孔也開始流,一路流到下巴,佢下意識抹抹發現自己流緊鼻血,但因為導播未嗌停,佢若無其事堅持落去夠晒專業,期間仲回應另一主播「係嘅,啱呀!」佢拍檔見到隔離爆晒缸,梗係嚇一嚇啦,隨後直播立即插廣告中斷畫面。趙玄日呢次嘅表演,絕對好睇過當日NBA。
支持本地運動員,一齊去「睇體」!
東網體育FB同你追實體壇每個精彩時刻!