【特稿】玩命！英超球星喪玩笑氣教壞細路
20181207
東網電視
更多新聞短片
笑氣喺英國非常盛行，由於價錢平兼且易買，所以成為年輕一代嘅「新寵」，雖然政府已經立法加強監管，不過成年人仍然可以輕易得到，唔少英超球員都係Fans，近年多次被影到公開吸笑氣。
好似英格蘭國家隊當紮球星史達寧，2015年2度被記者影到吸食笑氣，8月份一次「炒車」意外後，又被發現車上藏有笑氣，似乎係個「長期用家」。至於前阿仙奴門將施捷斯尼，05年7月亦被影到喺聚會入面吸笑氣。
又係2015年，阿士東維拉球星基亞利殊同朋友喺夜店喪飲，期間被影到吸食笑氣，維拉16年宣告降班後，老將艾邦拉荷更喺降班當晚，帶住2位疑似係維拉球迷嘅性感女郎去酒店開房，地上仲滿布裝「笑氣」嘅罐，連降班都掛住「笑」！
另外，基爾獲加、達美安格雷等都曾經「斷正」，最離譜係，史雲頓3名球員中場迪沙查奧爾、守將白蘭頓摩文同前鋒謝路美巴美，2016年曾經喺社交網上直播吸笑氣，喺全長18分鐘嘅片段中，佢哋仲食埋水煙，事後被球會內部停賽。
東網體育FB同你追實體壇每個精彩時刻！
支持本地運動員，一齊去「睇體」！