【東體爭議】盧卡古最叻係咩?恩斯話你知!

2018年12月07日 12:01
東網電視
更多新聞短片

曼聯上場聯賽2比2逼和阿仙奴,雖然仍然響唔到勝鼓,不過收起保羅普巴同盧卡古之後,整體表現的確係大有起色,「紅魔鬼」名將恩斯就力撐莫連奴呢個決定,直指保羅普巴係「好普通」嘅球員,又直指盧卡古依家「冇料到」,唔應該做正選喎。

恩斯表示:「盧卡古依家入唔到波,當佢入唔到波嗰陣有乜貢獻?冇!佢對球隊冇任何作用!如果你嘅位置係箭頭,但係又入唔到波,咁擺你出嚟做乜鬼?我知道盧卡古依家信心低落,但莫連奴要照顧嘅唔單止係佢,而係曼聯呢隊波。」

事實上,盧卡古嘅能力係不庸置疑,佢喺上季英超[同喺比利時國家隊嘅入球數字,加上之前踢愛華頓嘅表現,已經證明佢係有好高能力。莫連奴應該繼續信用佢、幫佢重建信心?定係大刀闊斧踢佢落後備,幫曼聯止血呢?

東網體育FB同你追實體壇每個精彩時刻!
http://bit.ly/2ecTF2A