嗚！好想佢着番件曼聯波衫呀

東網電視

內田理央以前經常着曼聯波衫出鏡同自拍。(互聯網)

曼聯最近戰績唔掂又士氣低沉，需要有啲刺激去振奮下，日本性感女神內田理央就最適合呢個任務，網友都希望佢着番件曼聯波衫，扮演幸運女神呀！

內田理央拍攝人氣劇集《逃避雖可恥但有用》上位，佢係超級動漫同電玩迷，出道初期又拍過《幪面超人Drive》，所以有大量男性粉絲，寫真集例必大賣，佢仲試過喺電視節目，公開承認超冧多蒙特嘅日本國腳香川真司。

兩年前東瀛足球雜誌《Soccer Game King》搵內田理央着波衫拍封面同彩頁，當時佢着咗曼聯、多蒙特、祖雲達斯同巴塞隆拿波衫，不過佢最鍾意嘅應該係紅魔，因為佢爆紅前做過體育節目，以前成日着曼聯波衫出鏡同自拍㗎！

正因為咁，好多網友都希望，內田理央可以再着曼聯波衫打下氣，幫手拯救球隊，特別係佢接受訪問嘅時候，講過自己好鍾意足球：「讀書時上體育課試過踢波，當時我諗，原來真係好難呀，所以覺得足球選手好犀利！」

支持本地運動員，一齊去「睇體」！

東網體育FB同你追實體壇每個精彩時刻！

on.cc東網