【曼聯寒冬】寸王投降！承認搞唔掂普巴
20181207
東網電視
更多新聞短片
保羅普巴又激嬲莫連奴。(Getty Images)
曼聯喺英超主場以2:2打和阿仙奴，保羅普巴只係比賽尾段入替，佢入場嘅時候，仲要畀奧脫福球迷噓。英國《獨立報》透露，紅魔領隊莫連奴決定投降，佢發短信畀CEO伍德沃德，承認自己搞唔掂對方！
上個月曼聯喺主場以0:0打和水晶宮，據講保羅普巴喺賽前嗌髮型師去球隊下榻嘅酒店，激嬲莫連奴，因為寸王覺得佢關心自己嘅造型多過比賽，結果最近紅魔對年青人同阿仙奴，佢都要做後備，甚至有報道話，寸王鬧佢影響隊友，當面形容佢係病毒。
消息話保羅普巴聽到後駁咀，反擊話莫連奴嘅戰術拖累佢發揮，好多時佢想搵隊友交波，根本搵唔到適當嘅位置同空間去傳送，最後搞到寸王投降，用短信同伍德沃德攤牌：「我用咗各種方法(同佢修補關係)，但唔成功。」
支持本地運動員，一齊去「睇體」！
東網體育FB同你追實體壇每個精彩時刻！