入完四十碼窩利 再入未過半場超遠射！
20181207
東網電視
更多新聞短片
阿當咸美爾（互聯網）
入一個40碼窩利已經夠難，11日後再入一個50碼、未過半場嘅超級遠射，呢個球員真係猛料！蘇超聖美倫攻擊手阿當咸美爾，呢期球王上身專入靚波，鬥赫斯轟入靚爆窩利，門將波皮都摸唔到；剛啱鬥喜伯年，佢於自己半場推順，望見對手門將企咗出嚟，佢諗都唔諗大腳抽射入網，個波去到白界前先滴一滴地，睇到佢射術精湛之外，腳力亦非同凡響。阿當咸美爾原來係前利物浦球員，唔知「神奇隊長」謝拉特，會唔會諗諗帶佢過格流呢？
好多未過半場嘅入球，唔少都因為對手門將低能先成事，但阿當咸美爾呢球堅貨真價實，雖然門將係企咗出嚟，但呢個波又夠勁又有角度，門將飛到盡都掂唔到，堅係值得一睇再睇！
支持本地運動員，一齊去「睇體」！
東網體育FB同你追實體壇每個精彩時刻！