5200萬鎊身價做後備 寸王講明信唔過費特
20181207
東網電視
更多新聞短片
（Getty Images）
曼聯領隊莫連奴打開天窗說亮話，表明現階段信唔過畀費特洛迪古斯打正選！呢名巴西國腳身價高達5200萬鎊，但加盟後正選機會少之又少。當被記者問到費特出現咩問題，寸王話如果紅魔防守有改善，費特就有較多機會出場，言下之意即係話費特呢個防中，完全唔係改進曼聯後防嘅「答案」。
下輪英超曼聯鬥富咸，記者問到費特，寸王表示：「當有一日曼聯後防有改善，中場球員唔使兼顧咁多防務，可以專心創造機會增添進攻籌碼嘅時候，費特出場次數將大大增加。對待球員要一步一步嚟，你睇吓好多其他球員，都唔係一加盟就即刻搶大旗，費特出場次數已經唔算最少。」近十四場曼聯賽事，費特只獲得三次正選機會，剛鬥阿仙奴，費特更連後備都冇資格做。
支持本地運動員，一齊去「睇體」！
東網體育FB同你追實體壇每個精彩時刻！