高普怨茅 般尼領隊躁爆:好過紅軍插水!

20181207
東網電視
更多新聞短片
(互聯網)
利物浦上輪聯賽作客般尼,先失一球最後反勝3:1,完場時般尼領隊戴治,同紅軍主帥高普發生爭拗,戴治口噏噏明顯向高普投訴,後者亦由無奈之後開始出聲反駁,跟手不歡而散。賽後高普同記者講,話般尼球員茅王上身踢傷祖高美斯,戴治就反話般尼踢得體力化冇問題,好過利物浦球員場上插水,堅充滿火藥味!
祖高美斯被對手踢傷,賽後證實起碼要抖六周,觀乎今仗般尼球員出腳狠辣,明顯希望以體力化足球剋制對手。對高普指控,戴治就話:「我細細個已經係利物浦球迷,嗰陣時紅軍技術與體力並重,唔似得依家好似掂一掂都嘈。另外每支球隊都有選擇權,踢得體力化冇錯,但係史杜列治插水就一定係錯,高普又唔講?如果要用插水代替體力化足球,咁唯有認我係老古董,唔識現代足球。高普話球隊唔可以踢得狠,唔通我輸畀曼城之後講:『曼城場上交波交咗800次,佢哋唔可以咁踢』咁樣呀?」
支持本地運動員,一齊去「睇體」!
東網體育FB同你追實體壇每個精彩時刻!