公平咩？女足贏自由盃冠軍獎金冇得分
20181208
東網電視
更多新聞短片
(互聯網)
被視為南美球壇球會級賽事最高榮譽嘅南美自由盃，就算只係女子組賽事都一樣重要，日前哥倫比亞嘅侯拿體育會女足，就喺決賽擊敗咗巴西山度士女足贏得冠軍，認真威水。本來侯拿女足贏得冠軍，就贏得咗55,000美元獎金，雖然唔算多，但總好過冇，只係事後有侯拿女足隊員爆料，話佢哋原來一蚊都冇得落袋，講到被欺壓一樣。
原來，侯拿體育會事後將所得獎金，拎咗來清還球隊男足嘅欠債，搞到唔少女足隊員都失望同不滿。更加令佢哋覺得激氣，係球會連佢哋打完決賽之後嘅回程安排都出錯，搞到班球員要喺巴西機場等多七粒幾鐘，唔少球員都攰到喺機場瞓地下，場面都畀人拍低晒，真係醜出國際囉！
東網體育FB同你追實體壇每個精彩時刻！
支持本地運動員，一齊去「睇體」！