意大利打吡贏卡士 祖記帶甩成條街喇
20181208
東網電視
更多新聞短片
(法新社圖片)
今晨舉行嘅意大利國家打吡，由祖雲達斯主場對國際米蘭，結果「斑馬兵團」喺主場憑住文迪蘇傑66分鐘嘅插水式飛頂一箭定江山，以1比0小勝。贏波之後嘅「祖記」，依家帶甩周六先出賽嘅次席拿玻里都有11分，而國米更加落後14分之多，爭標機會愈嚟愈渺茫。
今場「祖記」皇牌球星C朗拿度冇乜料到，好在仲有世盃亞軍克羅地亞射手文迪蘇傑孭到飛，賽後主隊教頭阿里基都大讚「文叔」堅勁呀：「文迪蘇傑喺嗰啲就算今日冇貨交，但一樣可以利用個人質素幫到隊波嘅球員。我哋都知冠軍之爭唔係今日結束，但無論咩情況，我哋都唔想輸。我叫隊員要踢出效率，畀啲耐性去用波，慢慢組織，結果球員嘅質素幫我哋贏波。」國米今場屢失良機，想話爭取自2010年後首個冠軍，美夢似乎又一次幻滅。
東網體育FB同你追實體壇每個精彩時刻！
支持本地運動員，一齊去「睇體」！