【賽後解碼】C朗有樣嘢差過美斯勁多
20181208
東網電視
更多新聞短片
C朗平均10.3次埋門先入1球。(Getty Images)
祖雲達斯喺意甲主場以1:0搞掂國際米蘭，C朗全場4次埋門得1次中目標，雖然佢轉會後已經有10個聯賽入球，但其實佢嘅入球效率，比起巴塞隆拿嘅美斯差勁多。
今場C朗4次埋門得1次倒掛中框，賽後評分得6.6分，屬於加盟祖記後最低分，而且C朗喺意甲103次埋門有10個入球，平均10.3次埋門先入1球，相反，美斯喺西甲56次埋門有9球進帳，即係平均6.2次埋門有1個士哥，淨係計入球效率有好大差距。
只不過，大家都知道C朗嘅鬥心超強，仲帶動到隊友搏命，更何況佢喺聯賽有10個入球之外，仲有5次助攻，要知道佢轉會後，唔係每場都踢最擅長嘅邊鋒位置，有時要移入中路幫手，唔應該見佢入球效率唔及美斯，就斷言佢開始走下坡嘅。
支持本地運動員，一齊去「睇體」！
東網體育FB同你追實體壇每個精彩時刻！