【曼聯好危】普捷天奴嘅回應有啲嘢喎
20181208
東網電視
更多新聞短片
普捷天奴有可能頂替莫連奴執教曼聯。(Getty Images)
曼聯喺英超主場對富咸前，傳出熱刺領隊普捷天奴，有可能喺出年夏天頂替莫連奴執教紅魔，當被問到有關傳聞，普捷天奴嘅回應仲似乎有啲嘢喎！
首先普捷天奴強調，自己喺熱刺好開心，而且工作有滿足感：「所以我唔需要理會身邊嘅傳聞，因為最重要係，我覺得喺熱刺得到重視，令我有喺屋企嘅感覺。」只不過，英國傳媒一直話熱刺為咗起新球場，唔肯畀錢買人，搞到普捷天奴唔係太開心。
普捷天奴仲自爆，近兩個星期同老闆利維得1次短信溝通，佢仲咁話：「利維為咗新球場好忙，我估佢成日去監工，我仲講笑問佢，係咪已經唔想理我，跟住佢話，用咗兩個鐘頭為我準備聖誕禮物，打算畀個驚喜我，或者佢講嘅係新球場啦！」
支持本地運動員，一齊去「睇體」！
東網體育FB同你追實體壇每個精彩時刻！