【曼聯好危】第4個喇！寸王買嘅都反佢
20181208
東網電視
更多新聞短片
傳聞盧卡古同阿歷斯山齊士(左)不滿莫連奴。(Getty Images)
曼聯喺英超主場對富咸前，英國《太陽報》爆料，盧卡古覺得莫連奴執教嘅紅魔，嚴重限制佢嘅表現，所以佢嗌金牌經理人拉奧拿搭路，密謀離開奧脫福球場，成為第4個寸王買入又想反佢嘅星級球員！
報道提到，盧卡古對自己失去必然正選位置好疑惑，而且佢怕留喺曼聯，會繼續成為網友恥笑對象，於是想換新環境。仲有呀！其實盧卡古嘅經理人同保羅普巴一樣，都係拉奧拿，佢同寸王互相唔妥對方，推動盧卡古轉會絕對唔奇。
除此之外，阿歷斯山齊士同費特洛迪古斯都因為得唔到重用，失去對莫連奴嘅信任，即係話，寸王上任後買入嘅4個星級球員，依家都反佢，到底係莫連奴嘅領軍方式有問題，抑或依家啲球星愈來愈難搞，要由大家判斷喇！
支持本地運動員，一齊去「睇體」！
東網體育FB同你追實體壇每個精彩時刻！