一張圖話你知 沙利季尾被炒
20181208
東網電視
更多新聞短片
(互聯網)
英超最強新帥，原來只係一季貨仔？車路士今季由意大利名帥沙利執教之後，季初係威係勢，同曼城及利物浦三強鼎立，但依家車仔15場聯賽僅獲得31分，已經落後榜首曼城10分，唔好話爭標，連爭前4位都好危。
31分更加係領隊嘅「死亡訊號」，自從阿布拉莫域2003年收購車路士以來，有6季頭15場聯賽唔超過31分，結果其中5任主帥喺下季開咧之前被炒。
呢5任頭15場聯賽「衰31」主帥係2007/08年球季莫連奴(31分)、2010/11年球季安察洛堤(29分)、2011/12年球季保亞斯(31分)、2012/13年球季迪馬堤奧(26分)、2015/16年球季又係莫連奴(15分)。
不過，唯一生還者都係莫連奴，佢喺2013/14年球季，頭15場聯賽只取得30分，但都捱到翌季。至於沙利有冇咁好彩，關鍵就係周日(9日)凌晨英超主場，能否擊敗曼城。
支持本地運動員，一齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！