德國教授：沉迷打機誘發背傷
20181208
東網電視
更多新聞短片
(互聯網)
阿仙奴中場奧斯爾自從11月11日之後，就未再為球隊上陣，據悉係背部有傷，德國科隆大學教授費洛伯斯，指奧斯爾一直沉迷打機，好可能就係令佢受到背傷困擾嘅原因。
奧斯爾非常鍾意玩一隻名為《Fortnite》嘅線上遊戲，有統計網站發現呢位前德國國腳用佢嘅帳號，已經玩咗5221場比賽，平均每場玩20分，總時間達到1770小時，意味由佢開始加入玩呢隻game開始計，佢平均每日打機5小時，隨時仲多過練波時間。
德國科隆大學教授費洛伯斯話：「長時間打機有可能引發奧斯爾背傷，職業運動員坐足幾個鐘頭，所受到嘅負面影響，比一般人大，而奧斯爾一直接受大量訓練，長時間坐住不動，比一般人更易受傷。」
阿仙奴將於周六(8日)晚主場對哈特斯菲爾德，領隊艾美利話，奧斯爾同物理治療師練習，包括跑步同控球，要再睇情況，再決定是否派佢上陣。
支持本地運動員，一齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！