【爆大鑊】佢話幫我 但兩年來冇理過我
20181208
東網電視
更多新聞短片
大家仲記得兩年幾前，1位阿富汗小朋友穆爾達扎着住「膠袋版」美斯10號阿根廷波衫影相，照片喺網上瘋傳，成為全球熱話。當時巴塞隆拿球王美斯都好滾動，其後趁去卡塔爾踢表演賽，同呢個小球迷見面。
當時賽會更特意安排穆爾達扎做球童，同美斯拖住手登場，據悉美斯曾經答應安排穆爾達扎離開阿富汗，過新生活，但到依家唔止冇兌現諾言，穆爾達扎更因為受過美斯「恩惠」而成為恐怖組織塔利班追殺目標。
穆爾達扎同美斯見面後，立即成為傳媒焦點，鄰居們更加以為佢哋一家發咗達，穆爾達扎嘅媽媽沙菲卡話：「當地有人話我哋已經係有錢人，仲要求將美斯畀我哋嘅錢交出來，否則就會帶走我個仔，夜晚又有陌生男人監視我哋、恐嚇我哋，我根本唔敢畀穆爾達扎出去玩。」
穆爾達扎一家近兩年就咁，過住被圍困嘅生活，更不幸係上個月係塔利班入侵穆爾達扎居住嘅地區，更加要捉拿「勾結西方」嘅穆爾達扎，沙菲卡話：「之前有人話我知，塔利班嘅人搵緊穆爾達扎，如果捉到佢，就會將佢處死。」
雖然一家走難到巴基斯坦，避過一劫，但因為已用晒所有積蓄，又要返去故居，隨時又面臨死亡威脅。現時已經7歲嘅穆爾達扎接受訪問時，話：「我好掛住美斯，如果可以再次見到佢，我會對佢講『你好，你生活過得還好嗎?』希望佢會答我『謝意，過得好好。』跟住一齊入場，我睇佢比賽。」
近日外國唔少媒體，指美斯2016年見穆爾達扎時，答應對方等佢長大些少，就會安排佢過新生活，但之後一直就冇再聯絡呢位「膠袋仔」或其家人，可能已經忘記呢位悲情小粉絲。
支持本地運動員，一齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！