【恭喜晒】民選最渣英超球員:盧卡古!

20181208
東網電視
更多新聞短片
(互聯網)
本季英超差唔多打到一半,論最令人失望嘅球隊必屬曼聯,打咗15場6勝5和4負僅排第8,唔少魔粉都好唔滿意,領隊莫連奴,以及好多球星都成球迷箭靶。近期體育媒體SPORTbilbe,舉辦咗個「最渣英超球員選舉」,盧卡古最終力壓車仔前鋒艾華路莫拉達「封王」,可以話「眾望所歸」。
經過一輪票選,盧卡古、艾歷迪亞、莫拉達同愛華頓射手奧馬尼亞斯打入四強,之後於接近1.6萬名網民投票後,盧卡古得到34%網民支持,莫拉達則有31%,迪亞同奧馬尼亞斯只有19%同16%得票,盧卡古脫穎而出,相信係唔少球迷嘅心水選擇。
盧卡古於英超上陣234次射入106球,不過今季入球量銳減,本季只入5球;而佢本季多次浪費入波機會,爭頂頭槌又毫無甜頭,近期對修咸頓一仗,更於控球時整傷自己,曼躉睇到擰晒頭,其他球迷就睇到好開心。
支持本地運動員,一齊去「睇體」!
東網體育FB同你追實體壇每個精彩時刻!